مشاعرنا

كثيرا ما نتظاهر بعد الإهتمام أو الإكتراث إذا ما كسر شخص ما شئ يخصنا , حتي لو ارتفعت قيمته .

لكننا لا نتساهل مع من يكسرون قلوبنا و مشاعرنا , و تبدأ لا إراديا دفاعاتنا في التصدي لهم , محاولة إيقاف هذه الجريمة في حقنا .

تختلف دفاعتنا في قوتها , لكن مهما كنت ضعيفاً , فتأكد بأن لديك وسيلة ما , فحتي الدموع تعتبر من الوسائل الدفاعية , التي تعبر بها عن رفضك .

فإن كنت تخجل من أن يري أحد دموعك , فلا تبادر بإجبار أحدهم علي إظهارها أمامك .



-------
محمد

إقامة جبرية

والدي الحبيب ,
ذكرياتك معي , وكل إبتساماتك لي , وكل ما تشاركناه سويا يوما من الايام , قررت أن أضعها تحت الإقامة الجبرية في قلبي , و لها مطلق الحرية في الخروج من قلبي والتحرك داخل شراييني حتي تصل إلي أطراف اصابعي , فأرسمك علي ورقة بيضاء شمسا تضيئ يومي , ولها الحق أيضا في الوصول إلي عيني , فأذرفك دمعة حين أشتاقك ولا أجدك بجواري , وبإمكانها أن تتحرك بحرية داخل قفصي الصدري .

هذه الإستثناءات الثلاثة فقط .


لم أكن يوما بهذه الديكتاتورية , وأنت تدرك هذا جيدا , لكنه الحنين قتلني مرات عديدة , وأخبرني أني لن أتمكن من إحتضانك مرة أخري , فإن كنت لن أستطيع إحتضانك ؛ فعلي الاقل عندما تكون بداخلي أضمن بهذا أني سأتنفسك وقتما شئت .

أحبُكَ كثيراً .

-----

محمد

24-2-2012

TAG

دة حاجة كدة زي استطلاع راي, و هي مجموعة اسئلة لاي دارس للطب قريتها وعجبتني اوي وحبيت اجاوب عليها


1- هل اخترت دراسة الطب بنفسك, و هل اخترته عن اقتناع به ام لانه افضل خيار متاح ام كان للاخرون تاثير عليك؟
أيون .. دخلته عن اقتناع تام جدا .. وده كان بداية لمفهوم الهدف في حياتي .. وكان هدفي هو فعلا كلية الطب لاني حابب المهنة جدا


2- في بداية ايام دراستك للطب هل حسيت انك اخترت صح؟
لا .. تعبت جدا في بداية الدراسة


3- لما تعمقت شوية في دراسة الطب هل حسيت ان الدراسة دي هي اللي كنت متخيلها و لا حسيت انها مختلفة؟
مختلفة شوية .. بس بدات تبقي ممتعة وكمان بدات اتأقلم .. ودي أهم نقطة لطالب الطب .. بيتعود بسرعة وقدرته علي الاحتمال عالية


4- لما مشي بيك الزمن شوية هل حسيت انك حبيت الدراسة دي اكتر و زاد اقتناعك بيها و لا حسيت انك بتنفر منها و لا لم يتغير احساسك عن اجابة السؤال 2؟
طبعا حبيتها اكتر .. بقيت اذاكر حبا في المذاكرة .. مش علشان الامتحان ولا الدرجات


5- هل تري ان الطب ممكن تتم دراسته باسلوب مختلف عن الاسلوب الحالي و لا هل دة الاسلوب الوحيد المتاح, و ان كانت اجابتك بعد الرضا ماذا كنت تقترح؟
مش عارف .. بس متهيالي ممكن يكون فيه تنظيم للمناهج عن كده شوية .. وفيه حشو كتير اعتقد لابد انه يتعدل.. واعتقد الجزء العملي لابد من الاهتمام بيه شوية عن كده


6- ما هي محاسن دراسة الطب من وجهة نظرك؟
مهنة راقية جدا .. بغض النظر عن وضع الطبيب المصري الشاب في مصر ..
بتقربنا جدا من ربنا .. سبحان الله .. الجسم البشري معجزة في حد ذاته
اعتقد من خلالها بعرف قيمة الألم وبحترمه وبتخليني اشكر ربنا علي نعمة الصحة دايما .. ربنا يديمها نعمة ويحفظها من الزوال


7- ما هي مساوئ دراسة الطب من وجهة نظرك؟
stress .. مهنة رهيبة جدا وبتجيب توتر فظيع ..


8- في البداية و قبل ان تدرس الطب كنت شايف نفسك ممكن تتخصص ايه, و دلوقتي انت شايف نفسك ممكن تتخصص ايه؟
كنت ساعات بحلم اني جراح او دكتور عظام او أورام .. حقيقي دلوقتي مش عارف .. لكن انا ميال أوي لطب الاطفال او الاورام .


9- هل توافق علي فصل بعض التخصصات عن دراسة الطب الحالية علي طريقة طب الاسنان؟
مش عندي علم اوي بالنقطة دي ومش هقدر افتي فيها


10- هل تري نفسك في المستقبل طبيب ناجح؟
اتمني علي الاقل اكون مجتهد .. والنجاح والتوفيق من عند ربنا ان شاء الله


11- بنسبة كام في المية تعتقد ان الدراسة اللي بتدرسها حاليا هتفيدك في الحياة العملية؟
70 %


12- هل بتحس بالمتعة و انت بتذاكر الطب؟
اها .. لما بنسي فكرة الدرجات


13- هدفك الاول من المذاكرة هل هو عبور الامتحان ام الاستفادة العلمية ام الاثنين"مطلوب اجابة صريحة"؟
حاليا .. فعلا هدفي الاستفادة العلمية .. ودي هتجيب الدرجات ان شاء الله

-------

كان من 3 سنين الكلام ده , دلوقتي إجابتي متغيرتش أوي

بس في سؤال هزوده , خصوصا وإني دلوقتي بقيت طبيب إمتياز و خلصت سنين الدراسة 

14- إيه أكبر سيئة في الكلية ؟

هــيــئــة الــتــدريــس

:)

وريقات متناثرة -1-

فاجئها في يوم من الايام بكوب من الشيكولاتة الساخنة صنعته بيديك ,
ستنسي لك ماسببت من فوضي في المطبخ ,
و ستعتزل كتب الشعر والروايات العالمية ,
و لن تحدثك بعد ذلك عن حقوق المرأة ,

بهذه اللفتة أنت أثبت لها أنها أنثي كاملة ,
وهي لا تحتاج أكثر من ذلك ... :)

-------
محمد

والدي الطيب بعد التحية

إلي من شرفني بحمل اسمه ..
والدي الطيب .. بعد التحية ..

أما بعد ,
وصلتني همسة حانية منك مفادها أنك راحل .. فلم أحصل علي كفايتي منك .
ولكن ها أنا ذا أكتب إليك حيث أنت .. وسامحني لو تأخرت في الكتابة ..
فما عدت أري لكلماتي أهمية .. وماعاد لأي شئ معني في غيابك ..
رحلت سريعا قبل أن أخبرك عن مغامرة هذا اليوم .. وتفاصيل هذا اليوم .. وبمن ألتقيت هذا اليوم !
لدي الكثير من التفاصيل .. فرجاء لا تتملل من ثرثرتي .. ولا أخفيك سرا ؛ لم اجد يوما منك تبرما من كلماتي ..

 

-----

محمد

يـوم آخـر مع الـحـيـاة

عاد من عمله في الوقت المعتاد , القي التحية علي الحارس وصعد السلالم في خفة فلم يكن يحب المصاعد كثيرا .

ادار المفتاح وفتح باب الشقة في هدوء شديد كي يستمتع بتلك الموسيقي التي يصدرها ذلك الجهاز المتصل بباب الشقة والذي احضرته هي بعد الزفاف بوقت قصير ,التقط سماعة التليفون وادار القرص ولم يتأخر الطرف الاخر الذي لم يكن سوي والدته وهو يطمأنها علي وصوله .

بعد أن أنهي المكالمة توجه الي غرفته كي يبدل ملابسه وفي طريقه خلال شقته الواسعة كان يري صورتها في كل مكان وعلي كل حائط , كان هو صاحب القرار بان تعلق صورها علي كل حائط , لا يمل ابدا من النظر الي وجهها ,بل انه كان يتنافس ونفسه علي اكتشاف صفة جديدة او تشبيها جديدا لذلك الوجه كل يوم .


توجه الي المطبخ وقام بتسخين الغذاء بسرعة , حمل الاطباق ووضعها علي المنضدة الموجودة امام التلفاز في غرفة المعيشة , حاولت دائما ان تجعله يكف عن مشاهدة التليفزيون اثناء تناول الطعام ولكنها فشلت في ذلك .

انتهي من تناول الطعام , وجاء بمجموعة من الورود النضرة كان قد احضرها معه كي يضعها بدلا من القديمة .


بعد ذلك احضر بعض الاوراق لانهائها من اجل عمله وبمجرد انتهائه احضر كتابه المفضل والذي لم يكن سوي رواية من الادب العالمي يقرأ منها كل ليلة في مكانه المعتاد علي تلك الاريكة في احد الاركان , دائما كانت تجلس بجانبه و تسند راسها علي كتفه وهو يحكي لها عن يومه وهما يستمعان الي بعض الموسيقي الهادئة , لم تمل ابدا من سماعه وهو يتحدث , كثيرا ماكنت تنام علي كتفه من فرط التعب والإرهاق ولكنه لم يحاول يوما إيقاظها بل كان يستمتع بالنظر اليها وهي نائمة , بريئة كالأطفال .


هكذا هي حياته وتلك هي ايامه , قد يراها البعض مملة ورتيبة ولكنها كانت مليئة بذلك الكم من العواطف والاحاسيس التي أحالت حياته إلي حديقة مليئة بالأزهار و الورود .

حان وقت النوم , وقف كالمعتاد امام تلك الصورة الكبيرة -التي ينتهي اليوم عندها كما بدأ في الصباح-,
تلك الابتسامة التي تحمل في طياتهاالامل والحياة ,وقف يتأملها وهو يتحسس الصورة باطراف انامله , وهو يقول بصوت غير مرتفع ولكن يحمل قدرا لا بأس به من السعادة : "النهاردة ياستي كان يوم جميل جدا وحصلت حاجات حلوة كتير اوي وكمان .... ",
اختنقت الكلمات في خلقه مع رؤيته لذلك الشريط الأسود المائل في أعلي يمين الصورة و الذي أضيف الي الصورة بعد معركة قصيرة مع المرض كانت هي الخاسرة فيها , أكمل من بين دموعه : "انتي عاملة ايه هناك انتي وحشتيني اوي "

, طبع قبلة علي الصورة وتوجه للنوم استعدادا ليوم اخر مع الحياة ... بدونها .


______
محمد
21-2-2007

عارفة يعني إيه بحبك ؟ -1-

عارفة يعني إيه بحبك ؟

يعني أكون قاعد مستمتع بقراية بريد الجمعة و بسمع فيروز , وإنتي تقتحمي الغرفة فجأة وعاصبة الإيشارب علي راسك ,وتقوليلي : " أمانة ما انت فايق ؟ قوم رتب الصالة علشان الضيوف علي وصول , أنا مش ملاحقة طبخ وتنضيف ... "

أقوم أنا مسبل عيوني واقولك : " من عنيا "


________
محمد

الـبـدايـة

قبل أي كلام : بسم الله الرحمن الرحيم ..

"

تقليدي جدا , مش روش , مش مشهور , فيلسوف خايب أحيانا ...

مش طموحي أكون كاتب مشهور , ولا أخد نوبل , بالرغم انها ممكن تكون مفيدة في ال سي في بتاعي ...

طموحي إني أسيب علامة في الدنيا , ولو حتي شخبطة علي ورقة صغيرة , وحد يقرأها من بعدي ويحسها مفيدة .

"

ده تعريف عن نفسي و عن رسالتي من البلوج ده ورسالتي في الحياة عموما

محمد خالد